Þegar þú kemur til mín þarftu ekki að vita fyrirfram hvaða aðferð þú þarft — það er eitthvað sem við könnum saman. Líkt og þú myndir ekki ganga inn á læknastofu og velja sjálf/ur hvaða lyfseðil þú færð, þá er mitt hlutverk að hlusta, fylgjast með og skilja aðstæður þínar áður en ég legg til rétta nálgun.

Auðvitað ert þú alltaf velkomin/n með hugmyndir um hvað þér finnst þú þurfa. Innsæi þitt og sjónarhorn eru mikilvægur hluti af ferlinu, og saman getum við skoðað hvað styður þig best.

Aðferðirnar sem ég nota eru ekki „af hillunni“ eða tilbúnar lausnir. Þær eru hluti af stærra ferli sem snýst um að finna hvað styður þig best. Stundum þýðir það að vinna með líkamann í gegnum hreyfingu, öndunaræfingar, spennulosun eða nálastungur; stundum að beina athyglinni að næringu, lífsvenjum eða hugleiðsluæfingum; og á öðrum tímum getur það verið samtal eða orkubundin vinna. Ég dreg einnig inn hefðir eins og Qigong og Tai Chi, ásamt þekkingu úr vestrænum fræðum sem tengjast heilsu og loks kínverskri læknisfræði.

Þetta eru einfaldlega verkfæri í bakgrunni. Það sem raunverulega skiptir máli ert þú — sagan þín, þarfir þínar, þroskinn þinn og sú breyting sem þú vilt. 

Hver tími er einstaklingsmiðaður. Saman sköpum við rétt skilyrði fyrir þig og umbreytingu, í stað þess að reyna að stilla þér inn í fyrirfram ákveðna aðferð.

ATH

Ég starfa ekki sem læknir og veiti ekki læknisfræðilega greiningu eða meðferð. Ef það kemur í ljós að þörf sé á þjónustu innan vestrænnar læknisfræði, þá vísa ég þér á viðeigandi fagaðila.